baDe adab baDi hikmat ke sath ho raha hai
baḌe adab baḌī hikmat ke saath ho rahā hai
yahāñ gunāh bhī izzat ke saath ho rahā hai
yaqīn kījiye nafrat hī hogā radd-e-amal
sulūk ab jo mohabbat ke saath ho rahā hai
maiñ un ke husn-e-tasavvur kā lutf le rahā huuñ
ġhazal kā sher ibādat ke saath ho rahā hai
makīn-e-ḳhuld hī dozaḳh banā rahe haiñ use
ajiib sāneha jannat ke saath ho rahā hai
bahut dinoñ se in achchhe dinoñ kī hasrat meñ
guzārā sabr-o-qanā.at ke saath ho rahā hai
junūn pahuñchā hai ab kis maqām pe 'dilbar'
ḳhirad kā kaam bhī vahshat ke saath ho rahā hai
baDe adab baDi hikmat ke sath ho raha hai
yahan gunah bhi izzat ke sath ho raha hai
yaqin kijiye nafrat hi hoga radd-e-amal
suluk ab jo mohabbat ke sath ho raha hai
main un ke husn-e-tasawwur ka lutf le raha hun
ghazal ka sher ibaadat ke sath ho raha hai
makin-e-KHuld hi dozaKH bana rahe hain use
ajib saneha jannat ke sath ho raha hai
bahut dinon se in achchhe dinon ki hasrat mein
guzara sabr-o-qanaat ke sath ho raha hai
junun pahuncha hai ab kis maqam pe 'dilbar'
KHirad ka kaam bhi wahshat ke sath ho raha hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
