baDe nuqsan hote hain zaban ki be-lagami se

baḌe nuqsān hote haiñ zabāñ kī be-lagāmī se

ki rishte Tuut jaate haiñ zarā sī bad-kalāmī se

kisī insān kī pahchān duniyā kī nigāhoñ meñ

kahīñ hotī hai ḳhūbī se kahīñ hotī hai ḳhāmī se

agar kahtā huuñ maiñ āb-e-hayāt is ko ġhalat kyā hai

hamesha aadmī rahtā hai zinda nek-nāmī se

ye terī tez-raftārī to mujh ko maar Dālegī

bahut hairān huuñ ai vaqt terī tez-gāmī se

zamāne meñ isī bā'is hai mere naam kī shohrat

maiñ dīvāna huuñ pahchānā gayā huuñ ḳhud-kalāmī se

mire dil meñ farozāñ haiñ tumhāre naam kī sham'eñ

mirī duniyā munavvar hai tumhāre nām-e-nāmī se

tire qadmoñ kī aahaT se tujhe pahchān letā huuñ

mirā ehsās vāqif hai tirī nāzuk-ḳhirāmī se

mujhe mahsūs hotā hai ki maiñ tujh se muḳhātib huuñ

maiñ terī guftugū kartā huuñ jab tere payāmī se

koī dariyā se ye kah de qayāmat tak na TūTegā

baḌā mazbūt rishta hai hamārā tishna-kāmī se

ta'alluq hai 'samar' kis se shu'ūr-o-fikr kā mere

'nafīs-e-qādrī’ se 'raunaq'-o-'ahsan' se 'jāmī' se

baDe nuqsan hote hain zaban ki be-lagami se

ki rishte Tut jate hain zara si bad-kalami se

kisi insan ki pahchan duniya ki nigahon mein

kahin hoti hai KHubi se kahin hoti hai KHami se

agar kahta hun main aab-e-hayat is ko ghalat kya hai

hamesha aadmi rahta hai zinda nek-nami se

ye teri tez-raftari to mujh ko mar Dalegi

bahut hairan hun ai waqt teri tez-gami se

zamane mein isi ba'is hai mere nam ki shohrat

main diwana hun pahchana gaya hun KHud-kalami se

mere dil mein farozan hain tumhaare nam ki sham'en

meri duniya munawwar hai tumhaare nam-e-nami se

tere qadmon ki aahaT se tujhe pahchan leta hun

mera ehsas waqif hai teri nazuk-KHirami se

mujhe mahsus hota hai ki main tujh se muKHatib hun

main teri guftugu karta hun jab tere payami se

koi dariya se ye kah de qayamat tak na TuTega

baDa mazbut rishta hai hamara tishna-kaami se

ta'alluq hai 'samar' kis se shu'ur-o-fikr ka mere

'nafis-e-qadri’ se 'raunaq'-o-'ahsan' se 'jami' se