baDe saliqe se zindagi ko azab kar ke chala gaya tha

baḌe salīqe se zindagī ko azaab kar ke chalā gayā thā

vo kyā gayā thā ki merī duniyā ko ḳhvāb kar ke chalā gayā thā

ham us kī yādoñ kī bikhrī kirchoñ ko apnī palkoñ se chun rahe the

vo itnī ujlat meñ thā ki sab kuchh ḳharāb kar ke chalā gayā thā

ye kis ke jaane ke baad ab tak ham apne ashkoñ ko pī rahe haiñ

ye kaun thā jo hamārī āñkheñ sharāb kar ke chalā gayā thā

kam-ahl hotā to chhoḌ jaane meñ phir bhī thoḌā sā vaqt letā

paḌhā likhā thā to jaldī kār-e-savāb kar ke chalā gayā thā

vo apne hisse kī nafratoñ pe bhī aa ke thoḌī sī baat kartā

mohabbatoñ kā to ḳhair saarā hisāb kar ke chalā gayā thā

maiñ phir bhī us ko duā.eñ dūñgā ye merī fitrat kā hai taqāzā

jo merī rāteñ jo merī nīñdeñ ḳharāb kar ke chalā gayā thā

baDe saliqe se zindagi ko azab kar ke chala gaya tha

wo kya gaya tha ki meri duniya ko KHwab kar ke chala gaya tha

hum us ki yaadon ki bikhri kirchon ko apni palkon se chun rahe the

wo itni ujlat mein tha ki sab kuchh KHarab kar ke chala gaya tha

ye kis ke jaane ke baad ab tak hum apne ashkon ko pi rahe hain

ye kaun tha jo hamari aankhen sharab kar ke chala gaya tha

kam-ahl hota to chhoD jaane mein phir bhi thoDa sa waqt leta

paDha likha tha to jaldi kar-e-sawab kar ke chala gaya tha

wo apne hisse ki nafraton pe bhi aa ke thoDi si baat karta

mohabbaton ka to KHair sara hisab kar ke chala gaya tha

main phir bhi us ko duaen dunga ye meri fitrat ka hai taqaza

jo meri raaten jo meri ninden KHarab kar ke chala gaya tha