baDi umid se hum bhi usi qatar mein hain

baḌī umiid se ham bhī usī qatār meñ haiñ

tire to chāñd sitāre bhī pāsdār meñ haiñ

sikhā rahe haiñ salīqa hameñ sadāqat kā

jo muddatoñ se gunāhoñ ke rozgār meñ haiñ

tamām dost jo aa.e haiñ sab ko jaldī hai

chitā meñ aag lagāne ke intizār meñ haiñ

tumheñ gila hai ki sapne rahe adhūre sab

hamāre ḳhvāb to kab se hī regzār meñ haiñ

vo hai sukūn se jis ko nahīñ koī matlab

musībateñ to zamāne meñ sirf pyaar meñ haiñ

miTā ke mujh ko tasallī nahīñ habīboñ ko

na jaane kaisī tabāhī ke intizār meñ haiñ

Darā rahe the qayāmat se jo hameñ ab tak

sunā hai ab vo 'adāvat ke kārobār meñ haiñ

baDi umid se hum bhi usi qatar mein hain

tere to chand sitare bhi pasdar mein hain

sikha rahe hain saliqa hamein sadaqat ka

jo muddaton se gunahon ke rozgar mein hain

tamam dost jo aae hain sab ko jaldi hai

chita mein aag lagane ke intizar mein hain

tumhein gila hai ki sapne rahe adhure sab

hamare KHwab to kab se hi regzar mein hain

wo hai sukun se jis ko nahin koi matlab

musibaten to zamane mein sirf pyar mein hain

miTa ke mujh ko tasalli nahin habibon ko

na jaane kaisi tabahi ke intizar mein hain

Dara rahe the qayamat se jo hamein ab tak

suna hai ab wo 'adawat ke karobar mein hain