baghair soche hue arz haal karte rahe

baġhair soche hue arz haal karte rahe

javāb kuchh na milā ham savāl karte rahe

kabhī to Duube nadī meñ magar kabhī ham ne

samundaroñ ko uchhālā kamāl karte rahe

isī se naam milā hai isī se 'izzat bhī

jo kaam sahl bahut the muhāl karte rahe

khaḌe rahe yuuñ hī āñkhoñ meñ ashk jaarī kiye

har ek lamha-e-shab lā-zavāl karte rahe

kabhī kisī kī mohabbat kā dam bhī bhar aa.e

ye ek kaam bhī ham ḳhāl-ḳhāl karte rahe

to un ko ham se thā bas ek ye ta'alluq ḳhaas

mirī qabā se lahū apnā laal karte rahe

baghair soche hue arz haal karte rahe

jawab kuchh na mila hum sawal karte rahe

kabhi to Dube nadi mein magar kabhi hum ne

samundaron ko uchhaala kamal karte rahe

isi se nam mila hai isi se 'izzat bhi

jo kaam sahl bahut the muhaal karte rahe

khaDe rahe yun hi aankhon mein ashk jari kiye

har ek lamha-e-shab la-zawal karte rahe

kabhi kisi ki mohabbat ka dam bhi bhar aae

ye ek kaam bhi hum KHal-KHal karte rahe

to un ko hum se tha bas ek ye ta'alluq KHas

meri qaba se lahu apna lal karte rahe