baghair zewaron ke bhi hasin hai yaqin hai

baġhair zevaroñ ke bhī hasīn hai yaqīn hai

vafā jo oḌh le vo nāznīn hai yaqīn hai

parindagī meñ is tarah se chhū rahā huuñ āsmāñ

ki āsmāñ bhī ab mirī zamīn hai yaqīn hai

isī liye vo pūchhtī hai pyaar par yaqīñ hai kyā

maiñ nā-murād bol duuñ yaqīn hai yaqīn hai

agar tumhāre naqsh-e-pā mileñ vafā kī raah par

tavīl rāsta bhī ḳhush-tarīn hai yaqīn hai

use ye lag rahā hai phir sharāb pī ga.ī mujhe

vo do dikhā ke pūchhtā hai tiin hai yaqīn hai

tirī sadā kī dhun pe jhūmtā rahūñgā 'umr bhar

maiñ naag huuñ tirā kalām biin hai yaqīn hai

go mujh ko maulvī batā rahā thā ye harām hai

magar tū kah rahā hai is meñ diin hai yaqīn hai

baghair zewaron ke bhi hasin hai yaqin hai

wafa jo oDh le wo naznin hai yaqin hai

parindagi mein is tarah se chhu raha hun aasman

ki aasman bhi ab meri zamin hai yaqin hai

isi liye wo puchhti hai pyar par yaqin hai kya

main na-murad bol dun yaqin hai yaqin hai

agar tumhaare naqsh-e-pa milen wafa ki rah par

tawil rasta bhi KHush-tarin hai yaqin hai

use ye lag raha hai phir sharab pi gai mujhe

wo do dikha ke puchhta hai tin hai yaqin hai

teri sada ki dhun pe jhumta rahunga 'umr bhar

main nag hun tera kalam bin hai yaqin hai

go mujh ko maulwi bata raha tha ye haram hai

magar tu kah raha hai is mein din hai yaqin hai