baghaur dekho to zaKHmon ka ek chaman sa hai
baġhaur dekho to zaḳhmoñ kā ik chaman sā hai
sukūt tishna tamannāoñ kā kafan sā hai
kabhī khil uThte haiñ yādoñ ke bhī kañval varna
bahār meñ bhī ye dil ik udaas ban sā hai
ubhar rahā hai jo naġhma bahār ke dil se
gudāz-o-soz kuchh us meñ tire badan sā hai
chaman se duur chaman ke har ik ḳhayāl se duur
khulā huā marī āñkhoñ meñ ik chaman sā hai
nazar nazar meñ ghulāvaT hai bad-gumānī kī
hujūm-e-māh meñ khiltā huā gahan sā hai
hai ka.aba kitne saman-posh nāznīnoñ kā
ye dil jo kahne ko yuuñ chāk-e-pairahan sā hai
mirā junūñ hai adab-āshnā abhī varna
haram ke parde meñ bhī ek barhaman sā hai
baghaur dekho to zaKHmon ka ek chaman sa hai
sukut tishna tamannaon ka kafan sa hai
kabhi khil uThte hain yaadon ke bhi kanwal warna
bahaar mein bhi ye dil ek udas ban sa hai
ubhar raha hai jo naghma bahaar ke dil se
gudaz-o-soz kuchh us mein tere badan sa hai
chaman se dur chaman ke har ek KHayal se dur
khula hua mari aankhon mein ek chaman sa hai
nazar nazar mein ghulawaT hai bad-gumani ki
hujum-e-mah mein khilta hua gahan sa hai
hai kaba kitne saman-posh nazninon ka
ye dil jo kahne ko yun chaak-e-pairahan sa hai
mera junun hai adab-ashna abhi warna
haram ke parde mein bhi ek barhaman sa hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
