bah rahi hai phir wahi purwa suhani raat mein
bah rahī hai phir vahī purvā suhānī raat meñ
chal paḌī hai svapn kī phir rājdhānī raat meñ
lauT aaya hai mirā bachpan dubāra phir vahī
phir suna.eñgī mujhe daadī kahānī raat meñ
phir luTegā dil kisī kā dekhnā ākāsh meñ
baḌh rahī hai chāñd kī phir nit javānī raat meñ
phir sitāroñ kī koī bārāt niklegī yahāñ
phir utar ā.eñgī pariyāñ āsmānī raat meñ
phir chamakne lag ga.e jugnū mire atrāf meñ
phir se milne aa ga.ī pāgal dīvānī raat meñ
phir kamal khilne lage haiñ gaañv ke tālāb meñ
phir mahakne lag ga.ī hai rāt-rānī raat meñ
chhoTī-moTī baat par laḌnā-jhagaḌnā roz hī
din kī saarī dushmanī phir bhuul jaanī raat meñ
aur sunñā hai agar 'updesh' aanā gaañv meñ
phir sunā.eñge kabhī baaqī kahānī raat meñ
bah rahi hai phir wahi purwa suhani raat mein
chal paDi hai swapn ki phir rajdhani raat mein
lauT aaya hai mera bachpan dubara phir wahi
phir sunaengi mujhe dadi kahani raat mein
phir luTega dil kisi ka dekhna aakash mein
baDh rahi hai chand ki phir nit jawani raat mein
phir sitaron ki koi baraat niklegi yahan
phir utar aaengi pariyan aasmani raat mein
phir chamakne lag gae jugnu mere atraf mein
phir se milne aa gai pagal diwani raat mein
phir kamal khilne lage hain ganw ke talab mein
phir mahakne lag gai hai raat-rani raat mein
chhoTi-moTi baat par laDna-jhagaDna roz hi
din ki sari dushmani phir bhul jaani raat mein
aur sunna hai agar 'updesh' aana ganw mein
phir sunaenge kabhi baqi kahani raat mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
