baha kuchh ashk baha ratjagon ke bab saja

bahā kuchh ashk bahā ratjagoñ ke baab sajā

'shabāb' apne liye ik nayā azaab sajā

dhanak ke rang kahāñ aur mere ḳhvāb kahāñ

utar ke kāhkashāñ se kabhī ye ḳhvāb sajā

kabhī to sunñe meñ aa.e ki tū bhī royā thā

kabhī to jism ke āñgan meñ bhī sahāb sajā

mujhe havādis-e-daurāñ ne gar bujhā Daalā

ho fikr kyoñ tujhe tū apnī āb-o-tāb sajā

ki titliyāñ bhī baḌī der tak uḌī thiiñ magar

phir us ke baad to kāñToñ se merā ḳhvāb sajā

jo dhyān meñ use lā.ūñ to ḳhushbueñ umDeñ

ye merī fikr kī bastī meñ kyā gulāb sajā

maiñ apnī zaat meñ gum thā mujhe ḳhabar na huī

ki mere vāste kab se tirā 'shabāb' sajā

baha kuchh ashk baha ratjagon ke bab saja

'shabab' apne liye ek naya azab saja

dhanak ke rang kahan aur mere KHwab kahan

utar ke kahkashan se kabhi ye KHwab saja

kabhi to sunne mein aae ki tu bhi roya tha

kabhi to jism ke aangan mein bhi sahab saja

mujhe hawadis-e-dauran ne gar bujha Dala

ho fikr kyon tujhe tu apni aab-o-tab saja

ki titliyan bhi baDi der tak uDi thin magar

phir us ke baad to kanTon se mera KHwab saja

jo dhyan mein use laun to KHushbuen umDen

ye meri fikr ki basti mein kya gulab saja

main apni zat mein gum tha mujhe KHabar na hui

ki mere waste kab se tera 'shabab' saja