bahane DhunD na yun humse dur jaane ke

bahāne DhūñD na yuuñ ham se duur jaane ke

ga.e jo duur to phir paas ham na aane ke

nazar milā ke yakāyak nazar jhukā lenā

tarīqe ḳhuub nikāle haiñ hosh uḌāne ke

guloñ pe rang chaḌhā hai mahak rahī hai fazā

ki mausam aa ga.e kaliyoñ ke naaz uThāne ke

namak liye hue phirte haiñ log muTThī meñ

jigar ke zaḳhm kisī ko na ham dikhāne ke

piyā hai ham ne miyāñ ghaaT ghaaT kā paanī

har ek taur se vāqif haiñ ham zamāne ke

maiñ kaam is liye letā huuñ darguzar se janāb

ki din rahe na mire āstīñ chaḌhāne ke

ai 'shād' khul ga.ī ham par jahāñ kī asliyyat

kisī ke jhāñse meñ ab ham kabhī na aane ke

bahane DhunD na yun hum se dur jaane ke

gae jo dur to phir pas hum na aane ke

nazar mila ke yakayak nazar jhuka lena

tariqe KHub nikale hain hosh uDane ke

gulon pe rang chaDha hai mahak rahi hai faza

ki mausam aa gae kaliyon ke naz uThane ke

namak liye hue phirte hain log muTThi mein

jigar ke zaKHm kisi ko na hum dikhane ke

piya hai hum ne miyan ghaT ghaT ka pani

har ek taur se waqif hain hum zamane ke

main kaam is liye leta hun darguzar se janab

ki din rahe na mere aastin chaDhane ke

ai 'shad' khul gai hum par jahan ki asliyyat

kisi ke jhanse mein ab hum kabhi na aane ke