bahaar aae anadil ne mil KHarosh kiya

bahār aa.e anādil ne mil ḳharosh kiyā

badan meñ ḳhuuñ ne surāhī meñ mai ne josh kiyā

zahe zahe mere īmān-o-dīñ ki maiñ ne unheñ

fidā-e-farq-e-ḳhum-o-pā-e-mai-farosh kiyā

naqāb muñh se uThā kar ye kis ne dī āvāz

ki daf.atan hama-tan mujh ko chashm-o-gosh kiyā

nikal gayā thā lahū mere tan kā rone meñ

rahā thā jo koī qatra so ġham ne nosh kiyā

kalām kyoñ na ho 'besabr' merā mastāna

ki jaam hai ḳhum-e-hāfiz se maiñ ne nosh kiyā

bahaar aae anadil ne mil KHarosh kiya

badan mein KHun ne surahi mein mai ne josh kiya

zahe zahe mere iman-o-din ki main ne unhen

fida-e-farq-e-KHum-o-pa-e-mai-farosh kiya

naqab munh se uTha kar ye kis ne di aawaz

ki dafatan hama-tan mujh ko chashm-o-gosh kiya

nikal gaya tha lahu mere tan ka rone mein

raha tha jo koi qatra so gham ne nosh kiya

kalam kyon na ho 'besabr' mera mastana

ki jam hai KHum-e-hafiz se main ne nosh kiya