bahaar aai hai phir jhum kar sahab uTha

bahār aa.ī hai phir jhuum kar sahāb uThā

kahāñ hai mutrib-e-rañgīñ-navā rabāb uThā

javāz mai kā muḳhālif agar hai ai vaa.iz

kahāñ likhā hai dikhā lā uThā kitāb uThā

fazā meñ khol diye haiñ ghaTāoñ ne gesū

nahīñ hai jaam na ho shīsha-e-sharāb uThā

har ek phuul meñ raqsāñ hai kā.enāt-e-jamāl

bahār aa.ī ki hai ik mahshar-e-shabāb uThā

kahāñ ke dair-o-haram justajū-e-jalva-gar

yahī naqāb hai āñkhoñ se ye naqāb uThā

nasīm-e-sub.h se shāḳheñ milīñ to maiñ samjhā

ki husn-e-ālam tiflī meñ nīm-ḳhvāb uThā

libās-e-māh meñ 'ehsān' dekh kaun aayā

nigāh-e-sū-e-falak ḳhānumāñ-ḳharāb uThā

bahaar aai hai phir jhum kar sahab uTha

kahan hai mutrib-e-rangin-nawa rabab uTha

jawaz mai ka muKHalif agar hai ai waiz

kahan likha hai dikha la uTha kitab uTha

faza mein khol diye hain ghaTaon ne gesu

nahin hai jam na ho shisha-e-sharab uTha

har ek phul mein raqsan hai kaenat-e-jamal

bahaar aai ki hai ek mahshar-e-shabab uTha

kahan ke dair-o-haram justaju-e-jalwa-gar

yahi naqab hai aankhon se ye naqab uTha

nasim-e-subh se shaKHen milin to main samjha

ki husn-e-alam tifli mein nim-KHwab uTha

libas-e-mah mein 'ehsan' dekh kaun aaya

nigah-e-su-e-falak KHanuman-KHarab uTha