bahaar-e-mani-e-rangin hai andaz-e-raqam mera

bahār-e-ma.anī-e-rangīñ hai andāz-e-raqam merā

banā hai matl.a-e-hamd-e-ḳhudā bāġh-e-iram merā

ajal ke haath se āḳhir nikal aaya bharam merā

nihāñ thā andarūn-e-parda-e-hastī adam merā

nahīñ muusā ki ġhash khā kar girūñgā is tajallī se

azal se shaġhl hai nazzāra-e-husn-e-sanam merā

ye vo ātish hai bal dam meñ nikāle barq-e-sozāñ kā

paḌī hai sard dozaḳh dekh kar soz-e-alam merā

na girtā chaah meñ un kī to kyā kuueñ jhañkāte vo

tabāhī kā mirī baa.is huā hai ḳhud sitam merā

niyām-e-teġh se terī jo ye bijlī nikaltī hai

to do do haath uchhaltā hai idhar siine meñ dam merā

falak kī dekh kar raftār-e-pechīda ko hairāñ huuñ

kahāñ jā kar pahuñch kartā hai 'maz.har' pech-o-ḳham merā

bahaar-e-mani-e-rangin hai andaz-e-raqam mera

bana hai matla-e-hamd-e-KHuda bagh-e-iram mera

ajal ke hath se aaKHir nikal aaya bharam mera

nihan tha andarun-e-parda-e-hasti adam mera

nahin musa ki ghash kha kar girunga is tajalli se

azal se shaghl hai nazzara-e-husn-e-sanam mera

ye wo aatish hai bal dam mein nikale barq-e-sozan ka

paDi hai sard dozaKH dekh kar soz-e-alam mera

na girta chah mein un ki to kya kuen jhankate wo

tabahi ka meri bais hua hai KHud sitam mera

niyam-e-tegh se teri jo ye bijli nikalti hai

to do do hath uchhalta hai idhar sine mein dam mera

falak ki dekh kar raftar-e-pechida ko hairan hun

kahan ja kar pahunch karta hai 'mazhar' pech-o-KHam mera