bahaar hai tere aariz se lau lagae hue

bahār hai tire aariz se lau lagā.e hue

charāġh lāla-o-gul ke haiñ jhilmilā.e hue

tirā ḳhayāl bhī terī hī tarah aatā hai

hazār chashmak-e-barq-o-sharar chhupā.e hue

lahū ko pighlī huī aag kyā banā.eñge

jo naġhme aañch meñ dil kī nahīñ tapā.e hue

zarā chale chalo dam bhar ko din bahut biite

bahār-e-sub.h-e-chaman ko dulhan banā.e hue

qadīm se hai yahī rasm-o-rāh-e-mulk-e-vafā

ki āzmā.e ga.e jo the āzmā.e hue

DhiTā.ī dekhī thī us se laḌāte haiñ āñkheñ

sitāre āñkhoñ kī terī jhapak churā.e hue

hai jā-e-husn hayā aur bhī izāfa kar

nazar ke sāmne aa jā nazar jhukā.e hue

jo muntazir the kisī ke vo so ga.e āḳhir

sisaktī ārzūoñ ko gale lagā.e hue

ab is ke baad gila kis se kījiye kis kā

samajhte the jinheñ apnā vahī parā.e hue

ham apne hāl-e-pareshāñ pe muskurā.e the

zamāna ho gayā yuuñ bhī to muskurā.e hue

hamesha kaif se ḳhālī raheñge vo naġhme

jo terī nik.hat-e-ḳhush meñ nahīñ basā.e hue

'asar' sunātī haiñ ab dil kī dhaḌkaneñ shab ko

fasāne us nigah-e-mast ke sunā.e hue

bahaar hai tere aariz se lau lagae hue

charagh lala-o-gul ke hain jhilmilae hue

tera KHayal bhi teri hi tarah aata hai

hazar chashmak-e-barq-o-sharar chhupae hue

lahu ko pighli hui aag kya banaenge

jo naghme aanch mein dil ki nahin tapae hue

zara chale chalo dam bhar ko din bahut bite

bahaar-e-subh-e-chaman ko dulhan banae hue

qadim se hai yahi rasm-o-rah-e-mulk-e-wafa

ki aazmae gae jo the aazmae hue

DhiTai dekhi thi us se laDate hain aankhen

sitare aankhon ki teri jhapak churae hue

hai ja-e-husn haya aur bhi izafa kar

nazar ke samne aa ja nazar jhukae hue

jo muntazir the kisi ke wo so gae aaKHir

sisakti aarzuon ko gale lagae hue

ab is ke baad gila kis se kijiye kis ka

samajhte the jinhen apna wahi parae hue

hum apne haal-e-pareshan pe muskurae the

zamana ho gaya yun bhi to muskurae hue

hamesha kaif se KHali rahenge wo naghme

jo teri nikhat-e-KHush mein nahin basae hue

'asar' sunati hain ab dil ki dhaDkanen shab ko

fasane us nigah-e-mast ke sunae hue