bahaar nam hai mausam ke ruKH badalne ka

bahār naam hai mausam ke ruḳh badalne kā

lo vaqt aa gayā bāġhoñ meñ aam phalne kā

maiñ haar maan chukā huuñ ḳhushāmadeñ kar ke

magar vo naam hī letā nahīñ pighalne kā

vo Dagmagā ke bhī sābit-qadam hī rahtā hai

hameñ bhī us se hunar sīkhnā hai chalne kā

ajab nahīñ hai ki rusvā.iyāñ hī haath aa.eñ

sañbhal bhī jā ki abhī vaqt hai sañbhalne kā

hatheliyoñ pe sajā.e haiñ jaan parvāne

ab intizār hai bas un ko sham.a jalne kā

har ek moḌ pe pahre biThā diye ga.e 'dāġh'

koī bhī rāsta baaqī nahīñ nikalne kā

bahaar nam hai mausam ke ruKH badalne ka

lo waqt aa gaya baghon mein aam phalne ka

main haar man chuka hun KHushamaden kar ke

magar wo nam hi leta nahin pighalne ka

wo Dagmaga ke bhi sabit-qadam hi rahta hai

hamein bhi us se hunar sikhna hai chalne ka

ajab nahin hai ki ruswaiyan hi hath aaen

sanbhal bhi ja ki abhi waqt hai sanbhalne ka

hatheliyon pe sajae hain jaan parwane

ab intizar hai bas un ko shama jalne ka

har ek moD pe pahre biTha diye gae 'dagh'

koi bhi rasta baqi nahin nikalne ka