bahr-e-rang-e-dastan rahne diya

bahr-e-rang-e-dāstāñ rahne diyā

ik tajassus darmiyāñ rahne diyā

ab zamīñ ban kar bichhā jaatā hai vo

maiñ ne jis ko āsmāñ rahne diyā

raushnī aur ḳhvāb saare hech the

apnī āñkhoñ meñ dhuāñ rahne diyā

vo jagah raushan nahīñ hogī kabhī

is mohabbat ko jahāñ rahne diyā

maañ ne māthā chuum kar ruḳhsat kiyā

māmtā kā sā.ebāñ rahne diyā

kul milā ke ye hai rāz-e-tishnagī

ham ne dil ko sargirāñ rahne diyā

ḳhud hamī pāmāl Thahre shauq se

ḳhush-gumāñ ko ḳhush-gumāñ rahne diyā

bahr-e-rang-e-dastan rahne diya

ek tajassus darmiyan rahne diya

ab zamin ban kar bichha jata hai wo

main ne jis ko aasman rahne diya

raushni aur KHwab sare hech the

apni aankhon mein dhuan rahne diya

wo jagah raushan nahin hogi kabhi

is mohabbat ko jahan rahne diya

man ne matha chum kar ruKHsat kiya

mamta ka saeban rahne diya

kul mila ke ye hai raaz-e-tishnagi

hum ne dil ko sargiran rahne diya

KHud hami pamal Thahre shauq se

KHush-guman ko KHush-guman rahne diya