bahr mein daere to honge hi

bahr meñ dā.ere to hoñge hī

pyaar meñ vasvase to hoñge hī

ḳhvāb thā us kī shoḳh āñkhoñ kā

ḳhvāb ke zāviye to hoñge hī

roz tum phūl-ban meñ jaate the

lāziman gul khile to hoñge hī

ye koī ishq to nahīñ hai huzūr

job hai mas.ale to hoñge hī

dil hai vīrāñ to rah nahīñ saktā

dard is meñ base to hoñge hī

ye mohabbat hai dostī to nahīñ

ma.azarat shukriye tau hoñge hī

jab mohabbat pe baat kī tum ne

log tum par hañse to hoñge hī

bhāgte vaqt ke ka.ī lamhe

camere se khiñche to hoñge hī

aap gaaḌī baḌhā.iye apnī

road par hādse to hoñge hī

sach zarā hausle se suniyegā

lafz kuchh khurdure to hoñge hī

aap jab dekhte haiñ ā.īna

aa.ine dekhte to hoñge hī

ho na ho is ġhazal meñ kaifiyyat

munfarid qāfiye to hoñge hī

tāza-kārī kī mashq jaarī hai

sher meñ chuTkule to hoñge hī

bahr mein daere to honge hi

pyar mein waswase to honge hi

KHwab tha us ki shoKH aankhon ka

KHwab ke zawiye to honge hi

roz tum phul-ban mein jate the

laziman gul khile to honge hi

ye koi ishq to nahin hai huzur

job hai masale to honge hi

dil hai viran to rah nahin sakta

dard is mein base to honge hi

ye mohabbat hai dosti to nahin

mazarat shukriye tau honge hi

jab mohabbat pe baat ki tum ne

log tum par hanse to honge hi

bhagte waqt ke kai lamhe

camere se khinche to honge hi

aap gaDi baDhaiye apni

road par hadse to honge hi

sach zara hausle se suniyega

lafz kuchh khurdure to honge hi

aap jab dekhte hain aaina

aaine dekhte to honge hi

ho na ho is ghazal mein kaifiyyat

munfarid qafiye to honge hi

taza-kari ki mashq jari hai

sher mein chuTkule to honge hi