bahs be-kar kar raha hun main

bahs be-kār kar rahā huuñ maiñ

jabr nā-chār kar rahā huuñ meñ

dil dhaḌakne ko ab nahīñ raazī

dil ko tayyār kar rahā huuñ maiñ

kyoñ sazā de nahīñ rahe āḳhir

jab ki iqrār kar rahā huuñ maiñ

kis tarah ek saḳht patthar se

dekho takrār kar rahā huuñ maiñ

ḳhud ko achchhī tarah se dekh liyā

ḳhud se inkār kar rahā huuñ maiñ

jāntā huuñ javāb maiñ us kā

phir bhī isrār kar rahā huuñ maiñ

vo jo chhup kar na kar sakā koī

biich bāzār kar rahā huuñ maiñ

jo davā ke liye chale aa.e

un ko bīmār kar rahā huuñ

bahs be-kar kar raha hun main

jabr na-chaar kar raha hun mein

dil dhaDakne ko ab nahin raazi

dil ko tayyar kar raha hun main

kyon saza de nahin rahe aaKHir

jab ki iqrar kar raha hun main

kis tarah ek saKHt patthar se

dekho takrar kar raha hun main

KHud ko achchhi tarah se dekh liya

KHud se inkar kar raha hun main

jaanta hun jawab main us ka

phir bhi israr kar raha hun main

wo jo chhup kar na kar saka koi

bich bazar kar raha hun main

jo dawa ke liye chale aae

un ko bimar kar raha hun