bahte dariyaon tak aaenge uTha lenge tumhein

bahte dariyāoñ tak ā.eñge uThā leñge tumheñ

mere hoñThoñ se ḳhabar-dār churā leñge tumheñ

jam' ho jaa.e zarā aur ḳhamoshī dil meñ

ham isī dil kī ḳhamoshī se banā leñge tumheñ

dā’vedāroñ kī yahāñ bhiiḌ lagī hai lekin

masnad-e-dil pe bahar-hāl biThā leñge tumheñ

qatra-e-ḳhūñ ho to ḳhanjar pe rakheñge tum ko

aur aañsū ho to palkoñ pe sajā leñge tumheñ

vaqt ke hāthoñ se bachtā hai yahāñ kaun magar

saḳht hairat hai ki ik roz ye aa leñge tumheñ

abhī kuchh aur zamāne pe 'ayāñ ho jaa.eñ

dekhnā saare zamāne se chhupā leñge tumheñ

tum bhī ik roz kisī aur meñ pā loge hameñ

ham bhī ik roz kisī aur meñ pā leñge tumheñ

bahte dariyaon tak aaenge uTha lenge tumhein

mere honThon se KHabar-dar chura lenge tumhein

jam' ho jae zara aur KHamoshi dil mein

hum isi dil ki KHamoshi se bana lenge tumhein

da’wedaron ki yahan bhiD lagi hai lekin

masnad-e-dil pe bahar-haal biTha lenge tumhein

qatra-e-KHun ho to KHanjar pe rakhenge tum ko

aur aansu ho to palkon pe saja lenge tumhein

waqt ke hathon se bachta hai yahan kaun magar

saKHt hairat hai ki ek roz ye aa lenge tumhein

abhi kuchh aur zamane pe 'ayan ho jaen

dekhna sare zamane se chhupa lenge tumhein

tum bhi ek roz kisi aur mein pa loge hamein

hum bhi ek roz kisi aur mein pa lenge tumhein