bahte hue dariya ke kinaron ki tarah tha

bahte hue dariyā ke kināroñ kī tarah thā

tujh se mirā rishta kabhī ḳhvāboñ kī tarah thā

bistar pe utar aa.ī thiiñ mahtāb kī kirneñ

lahja tirā kal raat ujāloñ kī tarah thā

maiñ us ko paḌhā kartā thā har raat bahut der

vo shaḳhs mire paas kitāboñ kī tarah thā

kyā lams thā kyā zulf thī kyā surḳhī-e-lab thī

har rañg tirā jaise sharāboñ kī tarah thā

kuchh der ko ḳhush kar ke chale saare jahāñ ko

kyā apnā ta.alluq bhī tamāshoñ kī tarah thā

duniyā ne bahut chāhā ki naam us kā batā duuñ

vo dafn thā mujh meñ mire rāzoñ kī tarah thā

khone nahīñ detā thā mujhe bhiiḌ meñ ehsās

jakḌe hue mujh ko tirī bāñhoñ kī tarah thā

bahte hue dariya ke kinaron ki tarah tha

tujh se mera rishta kabhi KHwabon ki tarah tha

bistar pe utar aai thin mahtab ki kirnen

lahja tera kal raat ujalon ki tarah tha

main us ko paDha karta tha har raat bahut der

wo shaKHs mere pas kitabon ki tarah tha

kya lams tha kya zulf thi kya surKHi-e-lab thi

har rang tera jaise sharabon ki tarah tha

kuchh der ko KHush kar ke chale sare jahan ko

kya apna talluq bhi tamashon ki tarah tha

duniya ne bahut chaha ki nam us ka bata dun

wo dafn tha mujh mein mere raazon ki tarah tha

khone nahin deta tha mujhe bhiD mein ehsas

jakDe hue mujh ko teri banhon ki tarah tha