bahti hui aankhon se dhuan dekh raha hun

bahtī huī āñkhoñ se dhuāñ dekh rahā huuñ

sho.aloñ meñ ghirā apnā makāñ dekh rahā huuñ

bachpan jahāñ biitā jahāñ aa.ī thī javānī

us shahr meñ ab jā-e-amāñ dekh rahā huuñ

jo haath huā karte the āġhosh-e-mohabbat

un hāthoñ meñ ab tīr-o-kamāñ dekh rahā huuñ

sab aap ke chehre kī taraf dekh rahe haiñ

maiñ aap ke qadmoñ ke nishāñ dekh rahā huuñ

tanqīd-nigāroñ meñ na karnā mujhe shāmil

maiñ aap kā andāz-e-bayāñ dekh rahā huuñ

ḳhud apnī hī gardan kā hai nuqsān ziyāda

maiñ itnī bulandī pe kahāñ dekh rahā huuñ

har lamha hī naġhmāt-e-tarab rahte the jin par

in hoñToñ pe ab āh-o-fuġhāñ dekh rahā huuñ

yāroñ kī jo mahfil thī kabhī anjuman-e-ḳhās

'anjum' vahīñ andesha-e-jāñ dekh rahā huuñ

bahti hui aankhon se dhuan dekh raha hun

shoalon mein ghira apna makan dekh raha hun

bachpan jahan bita jahan aai thi jawani

us shahr mein ab ja-e-aman dekh raha hun

jo hath hua karte the aaghosh-e-mohabbat

un hathon mein ab tir-o-kaman dekh raha hun

sab aap ke chehre ki taraf dekh rahe hain

main aap ke qadmon ke nishan dekh raha hun

tanqid-nigaron mein na karna mujhe shamil

main aap ka andaz-e-bayan dekh raha hun

KHud apni hi gardan ka hai nuqsan ziyaada

main itni bulandi pe kahan dekh raha hun

har lamha hi naghmat-e-tarab rahte the jin par

in honTon pe ab aah-o-fughan dekh raha hun

yaron ki jo mahfil thi kabhi anjuman-e-KHas

'anjum' wahin andesha-e-jaan dekh raha hun