bahut ab ho chuka girya chalo ab ghar ko jate hain

bahut ab ho chukā girya chalo ab ghar ko jaate haiñ

bahut sī bāteñ karte haiñ bahut sā muskurāte haiñ

kabhī phir ye siyah rāteñ hameñ tanhā na pā.eñgī

chalo ham saath meñ mil kar milan kā giit gaate haiñ

ye shāyad un kī fitrat hai yā mujh ko aisā lagtā hai

baḌe hī maan se kuchh log dil se khel jaate haiñ

hameñ achchhe the vo din jab diloñ ke rishte sachche the

ġharaz ke saare bande haiñ ġharaz se milne aate haiñ

hameñ kuchh dostoñ ke saath biite pal nahīñ bhūle

ham āñkheñ muuñd lete haiñ to vo pal lauT aate haiñ

vo hogā ishq yā phir hogī koī un kī majbūrī

kisī ke dil kā aalam ham bhalā kab jaan paate haiñ

ḳhudā apnā jahāñ apnā zamīñ apnī falak apnā

ye sab kuchh apnā hai 'faisal' magar ham bhuul jaate haiñ

bahut ab ho chuka girya chalo ab ghar ko jate hain

bahut si baaten karte hain bahut sa muskuraate hain

kabhi phir ye siyah raaten hamein tanha na paengi

chalo hum sath mein mil kar milan ka git gate hain

ye shayad un ki fitrat hai ya mujh ko aisa lagta hai

baDe hi man se kuchh log dil se khel jate hain

hamein achchhe the wo din jab dilon ke rishte sachche the

gharaz ke sare bande hain gharaz se milne aate hain

hamein kuchh doston ke sath bite pal nahin bhule

hum aankhen mund lete hain to wo pal lauT aate hain

wo hoga ishq ya phir hogi koi un ki majburi

kisi ke dil ka aalam hum bhala kab jaan pate hain

KHuda apna jahan apna zamin apni falak apna

ye sab kuchh apna hai 'faisal' magar hum bhul jate hain