bahut baDa nahin ghar khiDkiyan kushada nahin

bahut baḌā nahīñ ghar khiḌkiyāñ kushāda nahīñ

hamārā phir bhī safar kā koī irāda nahīñ

ḳhudā kā shukr ki ab tak to nabz chaltī hai

lahū bahā to hai lekin bahut ziyāda nahīñ

visāl-o-hijr kī rūdād kis jagah likhkhūñ

mirī kitāb kā koī varaq bhī saada nahīñ

bas ek ḳhaak kī chādar hai aur nahīf badan

qabā nahīñ koī turra nahīñ labāda nahīñ

tumheñ chamakne kā haq kis tarah milegā bhalā

tumhārā chāñd sitāroñ kā ḳhānvāda nahīñ

bas ik qalam hai to do-chār lafz chand ḳhayāl

maiñ kāḳh-o-kū nahīñ rakhtā maiñ shāhzāda nahīñ

ye sab zamīn ke bosoñ ke zaḳhm haiñ 'bāqar'

tamām dasht meñ ham sā koī piyāda nahīñ

bahut baDa nahin ghar khiDkiyan kushada nahin

hamara phir bhi safar ka koi irada nahin

KHuda ka shukr ki ab tak to nabz chalti hai

lahu baha to hai lekin bahut ziyaada nahin

visal-o-hijr ki rudad kis jagah likhkhun

meri kitab ka koi waraq bhi sada nahin

bas ek KHak ki chadar hai aur nahif badan

qaba nahin koi turra nahin labaada nahin

tumhein chamakne ka haq kis tarah milega bhala

tumhaara chand sitaron ka KHanwada nahin

bas ek qalam hai to do-chaar lafz chand KHayal

main kaKH-o-ku nahin rakhta main shahzada nahin

ye sab zamin ke boson ke zaKHm hain 'baqar'

tamam dasht mein hum sa koi piyaada nahin