bahut dinon se yahin ho ajib aadmi ho

bahut dinoñ se yahīñ ho 'ajīb aadmī ho

isī zamīñ ke makīñ ho 'ajīb aadmī ho

abhī talak yahī uljhan ki is ḳharābe meñ

na-jāne ho ki nahīñ ho 'ajīb aadmī ho

kabhī milo to batānā zarā tasallī se

gumān ho ki yaqīñ ho 'ajīb aadmī ho

hai ik jahān-e-'adam aur is vujūd ke saath

isī jahāñ meñ kahīñ ho 'ajīb aadmī ho

uThī sadā-e-anal-haq varīd-e-jāñ ke qarīb

sunā hai tum bhī vahīñ ho 'ajīb aadmī ho

sab apne aap meñ mahsūr ho ga.e haiñ yahāñ

tum apne ghar meñ nahīñ ho 'ajīb aadmī ho

bahut dinon se yahin ho 'ajib aadmi ho

isi zamin ke makin ho 'ajib aadmi ho

abhi talak yahi uljhan ki is KHarabe mein

na-jaane ho ki nahin ho 'ajib aadmi ho

kabhi milo to batana zara tasalli se

guman ho ki yaqin ho 'ajib aadmi ho

hai ek jahan-e-'adam aur is wujud ke sath

isi jahan mein kahin ho 'ajib aadmi ho

uThi sada-e-anal-haq warid-e-jaan ke qarib

suna hai tum bhi wahin ho 'ajib aadmi ho

sab apne aap mein mahsur ho gae hain yahan

tum apne ghar mein nahin ho 'ajib aadmi ho