bahut hasin the hiran dhyan baT gaya aaKHir
bahut hasīñ the hiran dhyān baT gayā āḳhir
vahī huā ki mirā tiir uchaT gayā āḳhir
milī na jab koī rāh-e-mafar to kyā kartā
maiñ ek sab ke muqābil meñ DaT gayā āḳhir
bas ik umiid pe ham ne guzār dī ik 'umr
bas ek buuñd se kohsār kaT gayā āḳhir
bachā rahā thā maiñ shah-zor dushmanoñ se use
magar vo shaḳhs mujhī se lipaT gayā āḳhir
vo uḌte uḌte kahīñ duur ufuq meñ duub gayā
to āsmān paroñ meñ simaT gayā āḳhir
khulā ki vo bhī kuchh aisā vafā-parast na thā
chalo ye bojh bhī siine se haT gayā āḳhir
hamāre daaġh chhupātīñ rivāyateñ kab tak
libās bhī to purānā thā phaT gayā āḳhir
baḌhā ke rabt-e-vafā ajnabī parindoñ se
vo hans apne vatan ko palaT gayā āḳhir
bahut hasin the hiran dhyan baT gaya aaKHir
wahi hua ki mera tir uchaT gaya aaKHir
mili na jab koi rah-e-mafar to kya karta
main ek sab ke muqabil mein DaT gaya aaKHir
bas ek umid pe hum ne guzar di ek 'umr
bas ek bund se kohsar kaT gaya aaKHir
bacha raha tha main shah-zor dushmanon se use
magar wo shaKHs mujhi se lipaT gaya aaKHir
wo uDte uDte kahin dur ufuq mein dub gaya
to aasman paron mein simaT gaya aaKHir
khula ki wo bhi kuchh aisa wafa-parast na tha
chalo ye bojh bhi sine se haT gaya aaKHir
hamare dagh chhupatin riwayaten kab tak
libas bhi to purana tha phaT gaya aaKHir
baDha ke rabt-e-wafa ajnabi parindon se
wo hans apne watan ko palaT gaya aaKHir
- Book : Hoshiyari Dil-e-Nadan Bahut Karta Hai (Pg. 23)
- Author :Irfan Siddiqi
- Publication : Rekhta Publications (2023)
- Edition : 2nd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.