bahut KHush ho mujhe barbaad kar ke

bahut ḳhush ho mujhe barbād kar ke

kabhī dekho kisī ko shaad kar ke

unheñ mā'lūm kyā ḳhalvat meñ koī

bahut royā hai un ko yaad kar ke

pareshāñ karnā hai bas un kā maqsad

na.e qānūn ko ījād kar ke

sukūñ hāsil bahut hogā yaqīnan

kisī majbūr kī imdād kar ke

sila degā ḳhudā tere 'amal kā

tujhe bhī sāhib-e-aulād kar ke

vaqār apnā kiyā pāmāl ham ne

har ik darbār meñ fariyād kar ke

ġhazal ho terī 'faisal' nā-mukammal

na deñ islāh jo ustād kar ke

bahut KHush ho mujhe barbaad kar ke

kabhi dekho kisi ko shad kar ke

unhen ma'lum kya KHalwat mein koi

bahut roya hai un ko yaad kar ke

pareshan karna hai bas un ka maqsad

nae qanun ko ijad kar ke

sukun hasil bahut hoga yaqinan

kisi majbur ki imdad kar ke

sila dega KHuda tere 'amal ka

tujhe bhi sahib-e-aulad kar ke

waqar apna kiya pamal hum ne

har ek darbar mein fariyaad kar ke

ghazal ho teri 'faisal' na-mukammal

na den islah jo ustad kar ke