bahut kuchh bhul ho gai bhulne ka shad sun aaya

bahut kuchh bhuul ho ga.ī bhūlne kā 'shād' sun aayā

mirī jaañ ġham abas hai jhiḌkiyāñ sunñe kā din aayā

zarūr us ne kiyā qāsid se va.ada apne aane kā

gayā thā muztarib yaañ se vahāñ se mutma.in aayā

dil-e-sad-pāra se nisbat nahīñ zinhār ai bulbul

chaman meñ jā ke āshiq patiyāñ phūloñ kī gin aayā

baḌī azmat se ḳhud saaqī ne jā kar peshvā.ī kī

sharābī koī mai-ḳhāna ke andar jab musin aayā

chalo vaa.iz se hargiz kuchh na bolo chup raho rindo

huā josh-e-ġhazab yā sar pe us nādāñ ke jin aayā

marīz-e-ġham kī sehat kī ḳhabar allāh sunvā.e

gayā jo paas us ke 'shād' vo phir mutma.in aayā

bahut kuchh bhul ho gai bhulne ka 'shad' sun aaya

meri jaan gham abas hai jhiDkiyan sunne ka din aaya

zarur us ne kiya qasid se wada apne aane ka

gaya tha muztarib yan se wahan se mutmain aaya

dil-e-sad-para se nisbat nahin zinhaar ai bulbul

chaman mein ja ke aashiq patiyan phulon ki gin aaya

baDi azmat se KHud saqi ne ja kar peshwai ki

sharabi koi mai-KHana ke andar jab musin aaya

chalo waiz se hargiz kuchh na bolo chup raho rindo

hua josh-e-ghazab ya sar pe us nadan ke jin aaya

mariz-e-gham ki sehat ki KHabar allah sunwae

gaya jo pas us ke 'shad' wo phir mutmain aaya