bahut mazbut logon ko bhi ghurbat toD deti hai

bahut mazbūt logoñ ko bhī ġhurbat toḌ detī hai

anā ke sab hisāroñ ko zarūrat toḌ detī hai

jhukāyā jā nahīñ saktā jinheñ jabr-o-adāvat se

unheñ bhī ik ishāre meñ mohabbat toḌ detī hai

kisī ke sāmne jab haath phailātī hai majbūrī

to us majbūr ko andar se ġhairat toḌ detī hai

taras khāte haiñ jab apne sisak uThtī hai ḳhuddārī

har ik ḳhuddār insāñ ko ināyat toḌ detī hai

samundar paar jā kar jo bahut ḳhush-hāl dikhte haiñ

ye un ke dil se pūchho kaise hijrat toḌ detī hai

nibhānā dil ke rishtoñ ko nahīñ hai khel bachchoñ kā

ki in shīshoñ ko ik halkī sī ġhaflat toḌ detī hai

bahut mazbut logon ko bhi ghurbat toD deti hai

ana ke sab hisaron ko zarurat toD deti hai

jhukaya ja nahin sakta jinhen jabr-o-adawat se

unhen bhi ek ishaare mein mohabbat toD deti hai

kisi ke samne jab hath phailati hai majburi

to us majbur ko andar se ghairat toD deti hai

taras khate hain jab apne sisak uThti hai KHuddari

har ek KHuddar insan ko inayat toD deti hai

samundar par ja kar jo bahut KHush-haal dikhte hain

ye un ke dil se puchho kaise hijrat toD deti hai

nibhana dil ke rishton ko nahin hai khel bachchon ka

ki in shishon ko ek halki si ghaflat toD deti hai