bahut se log hain mujhse KHasara puchhne wale

bahut se log haiñ mujh se ḳhasāra pūchhne vaale

tumhārā naam na le kar tumhārā pūchhne vaale

tire tark-e-ta.alluq ne bahut se log chhīne haiñ

tirī nisbat se aate the hamārā pūchhne vaale

batāo kyā kahūñ un ko sabab kyā hai judā.ī kā

mire dar par khaḌe haiñ vo dobāra pūchhne vaale

tire hone se dīvāreñ bhī mujh ko thaam rakhtī thiiñ

girāne ko khaḌe haiñ ab sahārā pūchhne vaale

ye khiḌkī ab nahīñ khultī makīñ jaane kahāñ gum haiñ

qamar ko chāhne vaale sitāra pūchhne vaale

batānā ye bhī thā un ko bhañvar hai us kināre par

sunā hai mar ga.e saare kināra pūchhne vaale

balā kā zabt hai mujh meñ magar kitnā karūñ āḳhir

kahīñ se lauT aa.eñ vo ḳhudārā pūchhne vaale

bahut se log hain mujh se KHasara puchhne wale

tumhaara nam na le kar tumhaara puchhne wale

tere tark-e-talluq ne bahut se log chhine hain

teri nisbat se aate the hamara puchhne wale

batao kya kahun un ko sabab kya hai judai ka

mere dar par khaDe hain wo dobara puchhne wale

tere hone se diwaren bhi mujh ko tham rakhti thin

girane ko khaDe hain ab sahaara puchhne wale

ye khiDki ab nahin khulti makin jaane kahan gum hain

qamar ko chahne wale sitara puchhne wale

batana ye bhi tha un ko bhanwar hai us kinare par

suna hai mar gae sare kinara puchhne wale

bala ka zabt hai mujh mein magar kitna karun aaKHir

kahin se lauT aaen wo KHudara puchhne wale