bahut umid thi wabasta rahguzar ke sath
bahut umiid thī vābasta rahguzār ke saath
so dil bhī baiThtā jaatā hai ab ġhubār ke saath
paTaḳh chukī hai mirī naav ko chaTān magar
maiñ gir rahā huuñ abhī tak is ābshār ke saath
shajar kā raaj na thā abr kā rivāj na thā
phir ek phuul milā bād-e-reg-zār ke saath
kise ḳhabar ki nivāla hai kis añdhere kā
jo ḳhvāb dekhtā huuñ chashm-e-āb-dār ke saath
safar kiyā thā kisī aur zindagī ke liye
magar palaTnā paḌā shām-e-intizār ke saath
kisī madār ke dhoke meñ be-ḳhabar 'shāriq'
ulajh rahe haiñ sitāre mire hisār ke saath
bahut umid thi wabasta rahguzar ke sath
so dil bhi baiThta jata hai ab ghubar ke sath
paTaKH chuki hai meri naw ko chaTan magar
main gir raha hun abhi tak is aabshaar ke sath
shajar ka raj na tha abr ka riwaj na tha
phir ek phul mila baad-e-reg-zar ke sath
kise KHabar ki niwala hai kis andhere ka
jo KHwab dekhta hun chashm-e-ab-dar ke sath
safar kiya tha kisi aur zindagi ke liye
magar palaTna paDa sham-e-intizar ke sath
kisi madar ke dhoke mein be-KHabar 'shaariq'
ulajh rahe hain sitare mere hisar ke sath
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
