baisakhiyon ke jab se talabgar ho gae
baisākhiyoñ ke jab se talabgār ho ga.e
ham aap apnī raah kī dīvār ho ga.e
phaile to gard-e-kūcha-o-bāzār the kabhī
simTe to kā.enāt kā me'yār ho ga.e
kuchh log qatl kar ke sadāqat kī sham' ko
mash.hūr raushnīyoñ ke mīnār ho ga.e
TuuTe the kal jo dard ke ākāsh se guhar
aksar samundaroñ ke liye baar ho ga.e
dīvār-o-dar pe jin ke nichhāvar thī raushnī
vo ghar usī shanāḳht meñ mismār ho ga.e
'vasfī' mirī anā ko jagā kar mire farīq
ḳhud apnī haisiyat se ḳhabar-dār ho ga.e
baisakhiyon ke jab se talabgar ho gae
hum aap apni rah ki diwar ho gae
phaile to gard-e-kucha-o-bazar the kabhi
simTe to kaenat ka me'yar ho gae
kuchh log qatl kar ke sadaqat ki sham' ko
mashhur raushniyon ke minar ho gae
TuTe the kal jo dard ke aakash se guhar
aksar samundaron ke liye bar ho gae
diwar-o-dar pe jin ke nichhawar thi raushni
wo ghar usi shanaKHt mein mismar ho gae
'wasfi' meri ana ko jaga kar mere fariq
KHud apni haisiyat se KHabar-dar ho gae
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
