baja ke usne riyazat ki intiha kar di

bajā ke us ne riyāzat kī intihā kar dī

magar ḳhayāl kī lau sher se judā kar dī

pas-e-hurūf koī dil kī vārdāt na thī

so ḳhush-ḳhatī se hī tahrīr ḳhushnumā kar dī

na dekhī us ne kabhī lauh-e-dil pe abjad-e-ishq

to chashm-o-āri-o-lab se ġhazal bapā kar dī

koī bhī nuqta-e-ḳhat zindagī pe ban na sakā

raqam kahīñ se ye tamsīl-e-dilrubā kar dī

ye us ke harf haiñ āvārgān-e-shahr-e-suḳhan

mire ḳhayāl ne us ko zamīñ atā kar dī

baja ke us ne riyazat ki intiha kar di

magar KHayal ki lau sher se juda kar di

pas-e-huruf koi dil ki wardat na thi

so KHush-KHati se hi tahrir KHushnuma kar di

na dekhi us ne kabhi lauh-e-dil pe abjad-e-ishq

to chashm-o-ari-o-lab se ghazal bapa kar di

koi bhi nuqta-e-KHat zindagi pe ban na saka

raqam kahin se ye tamsil-e-dilruba kar di

ye us ke harf hain aawargan-e-shahr-e-suKHan

mere KHayal ne us ko zamin ata kar di