baKHsha mujhe junun to giran-bar dekh kar

baḳhshā mujhe junūñ to girāñ-bār dekh kar

detā hai baada zarf-e-qadah-ḳhvār dekh kar

kyā bechte matā.a-e-girāñ-māya-e-hunar

be-zauqī-e-nigāh-e-ḳharīdār dekh kar

taz.īñ tarāz-e-husn ta.ashshuq talab vafā

dil sard hai ye garmī-e-bāzār dekh kar

hāl-e-dil aa hī jaatā hai aksar zabān par

dard-o-sulūk-e-mūnis-o-ġham-ḳhvār dekh kar

nazroñ meñ hai qayāmat-e-kubrā kā sā samāñ

tāza-ba-tāza jang ke auzār dekh kar

baazī pe koī daao lagāne se jī bharā

duniyā kī jiit dekh kar aur haar dekh kar

kis tarah inqalāb ko kahte ḳhush-āmdīd

apnoñ ko apnī hī pe sharar-bār dekh kar

mazmūn to pasand thā achchhā lagā na sher

saqm-e-zabān-o-pastī-e-iz.hār dekh kar

kahte haiñ sab ki aisā koī shaḳhs hī na thā

'dīvāna'-e-kamāl kī aqdār dekh kar

baKHsha mujhe junun to giran-bar dekh kar

deta hai baada zarf-e-qadah-KHwar dekh kar

kya bechte mataa-e-giran-maya-e-hunar

be-zauqi-e-nigah-e-KHaridar dekh kar

tazin taraaz-e-husn tashshuq talab wafa

dil sard hai ye garmi-e-bazar dekh kar

haal-e-dil aa hi jata hai aksar zaban par

dard-o-suluk-e-munis-o-gham-KHwar dekh kar

nazron mein hai qayamat-e-kubra ka sa saman

taza-ba-taza jang ke auzar dekh kar

bazi pe koi dao lagane se ji bhara

duniya ki jit dekh kar aur haar dekh kar

kis tarah inqalab ko kahte KHush-amdid

apnon ko apni hi pe sharar-bar dekh kar

mazmun to pasand tha achchha laga na sher

saqm-e-zaban-o-pasti-e-izhaar dekh kar

kahte hain sab ki aisa koi shaKHs hi na tha

'diwana'-e-kamal ki aqdar dekh kar