ban gain mahjuriyan aazar-e-jaan kis se kahen

ban ga.iiñ mahjūriyāñ āzār-e-jāñ kis se kaheñ

ham dil-e-betāb kī betābiyāñ kis se kaheñ

aah sāmān-e-sukūn-e-zindagī mumkin nahīñ

ho ga.e dushman zamīn-o-āsmāñ kis se kaheñ

zindagī kī bazm ahl-e-dard se ḳhālī huī

dard meñ Duubī huī ye dāstāñ kis se kaheñ

gardishoñ ne luuT lī yaksar matā-e-zindagī

bāġhbāñ ne noch pheñkā āshiyāñ kis se kaheñ

zindagī kā lamha lamha sad masā.ib dar-baġhal

har ghaḌī hai ek daur-e-imtihāñ kis se kaheñ

gardisheñ nākāmiyāñ mahrūmiyāñ māyūsiyāñ

ho ga.ī hai zindagī bār-e-garāñ kis se kaheñ

kaun dekhe husn kī paiham sitam-ījādiyāñ

āshiqī kī bandish-e-āh-o-fuġhāñ kis se kaheñ

hijr kī kaifiyyatoñ se hai kisī ko kyā ġharaz

ham yahāñ par muztarib haiñ tum vahāñ kis se kaheñ

sunñe vāloñ se huā mafqūd sunñe kā mazāq

gulsitān-e-ishq kī barbādiyāñ kis se kaheñ

chappa-chappa ahl-e-dil ke vāste hai ḳhār-zār

zarra-zarra āshiqoñ se bad-gumāñ kis se kaheñ

dil kī bāteñ lab par aa.eñ bhī to suntā kaun hai

uTh ga.e sab ham-ḳhayāl-o-ham-zabāñ kis se kaheñ

yaar jab aġhyār ho jaa.eñ to kyā lutf-e-suḳhan

mehrbāñ ho jaa.eñ jab nā-mehrbāñ kis se kaheñ

dil ke armāñ rafta-rafta 'nāmī'-e-andoh-gīñ

jā rahe haiñ kārvāñ-dar-kārvāñ kis se kaheñ

ban gain mahjuriyan aazar-e-jaan kis se kahen

hum dil-e-betab ki betabiyan kis se kahen

aah saman-e-sukun-e-zindagi mumkin nahin

ho gae dushman zamin-o-asman kis se kahen

zindagi ki bazm ahl-e-dard se KHali hui

dard mein Dubi hui ye dastan kis se kahen

gardishon ne luT li yaksar mata-e-zindagi

baghban ne noch phenka aashiyan kis se kahen

zindagi ka lamha lamha sad masaib dar-baghal

har ghaDi hai ek daur-e-imtihan kis se kahen

gardishen nakaamiyan mahrumiyan mayusiyan

ho gai hai zindagi bar-e-garan kis se kahen

kaun dekhe husn ki paiham sitam-ijadiyan

aashiqi ki bandish-e-ah-o-fughan kis se kahen

hijr ki kaifiyyaton se hai kisi ko kya gharaz

hum yahan par muztarib hain tum wahan kis se kahen

sunne walon se hua mafqud sunne ka mazaq

gulsitan-e-ishq ki barbaadiyan kis se kahen

chappa-chappa ahl-e-dil ke waste hai KHar-zar

zarra-zarra aashiqon se bad-guman kis se kahen

dil ki baaten lab par aaen bhi to sunta kaun hai

uTh gae sab ham-KHayal-o-ham-zaban kis se kahen

yar jab aghyar ho jaen to kya lutf-e-suKHan

mehrban ho jaen jab na-mehrban kis se kahen

dil ke arman rafta-rafta 'nami'-e-andoh-gin

ja rahe hain karwan-dar-karwan kis se kahen