ban-sanwar kar jo wo bazar nikal jate hain

ban-sañvar kar jo vo bāzār nikal jaate haiñ

dekhne vāloñ ke jazbāt machal jaate haiñ

har taraf hotā hai mushtāq nigāhoñ kā hujūm

dil taḌapte hue sīnoñ se nikal jaate haiñ

barq girtī hai jidhar aañkh uThā kar dekheñ

hiddat-e-husn se a.asāb pighal jaate haiñ

achchhe lagte haiñ hasīñ log hamāre dil ko

ġham ke maare hue ham log bahal jaate haiñ

sair ko aate haiñ gulshan meñ raqīboñ kī tarah

phuul saare vo gulistāñ ke masal jaate haiñ

pur-kashish jitne haiñ us shoḳh javānī ke nuqūsh

saare naqshe mire ash.ār meñ Dhal jaate haiñ

jaane kyuuñ log taraste haiñ bahāroñ ke liye

ham to ehsās kī shiddat hī se jal jaate haiñ

ek halchal sī machā detī hai sūrat un kī

chiknī miTTī pe mire paañv phisal jaate haiñ

raat bhar ye dil-e-vahshī nahīñ sotā 'sāqib'

soch ke rañg añdhere meñ badal jaate haiñ

ban-sanwar kar jo wo bazar nikal jate hain

dekhne walon ke jazbaat machal jate hain

har taraf hota hai mushtaq nigahon ka hujum

dil taDapte hue sinon se nikal jate hain

barq girti hai jidhar aankh uTha kar dekhen

hiddat-e-husn se aasab pighal jate hain

achchhe lagte hain hasin log hamare dil ko

gham ke mare hue hum log bahal jate hain

sair ko aate hain gulshan mein raqibon ki tarah

phul sare wo gulistan ke masal jate hain

pur-kashish jitne hain us shoKH jawani ke nuqush

sare naqshe mere ashaar mein Dhal jate hain

jaane kyun log taraste hain bahaaron ke liye

hum to ehsas ki shiddat hi se jal jate hain

ek halchal si macha deti hai surat un ki

chikni miTTi pe mere panw phisal jate hain

raat bhar ye dil-e-wahshi nahin sota 'saqib'

soch ke rang andhere mein badal jate hain