bana durdana-e-tasbih yaad-e-haq mein har aansu

banā durdāna-e-tasbīh yād-e-haq meñ har aañsū

ye e'jāz-e-'ibādat hai musalsal dekhte jaao

munavvar har ghaḌī kāshāna-e-dil apnā rahtā hai

ḳhayāl-e-yār kī raushan hai mash'al dekhte jaao

taqāzā-e-junūñ hai nāḳhun-e-vahshat ko baḌhne do

ye hoñge 'uqda-e-dushvār sab hal dekhte jaao

asar hai mere har tār-e-nafas meñ tār-e-barqī kā

ḳhabar har saañs kī miltī hai pal-pal dekhte jaao

du'ā-e-mai-parastāñ rang laa.ī mo'jiza ho kar

umañD aa.e haiñ rahmat ban ke bādal dekhte jaao

bichhā.e haiñ adab ne manzil-e-dushvār meñ kāñTe

ye rāh-e-'ishq tai karnī hai paidal dekhte jaao

lagī haiñ hazrat-e-zāhid kī nazreñ sū-e-mai-ḳhāna

na jaa.e aaj chorī koī botal dekhte jaao

junūñ meñ hasrateñ haiñ saiñkaḌoñ vābasta-e-vahshat

nazar aa jā.egā jangal meñ mangal dekhte jaao

bana durdana-e-tasbih yaad-e-haq mein har aansu

ye e'jaz-e-'ibaadat hai musalsal dekhte jao

munawwar har ghaDi kashana-e-dil apna rahta hai

KHayal-e-yar ki raushan hai mash'al dekhte jao

taqaza-e-junun hai naKHun-e-wahshat ko baDhne do

ye honge 'uqda-e-dushwar sab hal dekhte jao

asar hai mere har tar-e-nafas mein tar-e-barqi ka

KHabar har sans ki milti hai pal-pal dekhte jao

du'a-e-mai-parastan rang lai mo'jiza ho kar

umanD aae hain rahmat ban ke baadal dekhte jao

bichhae hain adab ne manzil-e-dushwar mein kanTe

ye rah-e-'ishq tai karni hai paidal dekhte jao

lagi hain hazrat-e-zahid ki nazren su-e-mai-KHana

na jae aaj chori koi botal dekhte jao

junun mein hasraten hain sainkaDon wabasta-e-wahshat

nazar aa jaega jangal mein mangal dekhte jao