bana lete hain mil-jul kar magar har bar girti hai

banā lete haiñ mil-jul kar magar har baar girtī hai

ḳhasāra mulk kā hotā hai jab sarkār girtī hai

maiñ jab bhī dushmanoñ se jang kā elaan kartā huuñ

mire sar par mire ahbāb kī talvār girtī hai

jo be-ghar haiñ unheñ be-shak ḳhushī hotī to hai dil se

amīr-e-shahr ke bangle kī jab dīvār girtī hai

vo baḌh kar ḳhud hī hotā hai muḳhātib sinf-e-nāzuk se

use ġham bhī nahīñ hotā hai jab dastār girtī hai

ġharībī tishnagī apnī bujhāne phir vahīñ pahuñchī

phaTe pipe se paanī kī jahāñ pe dhaar girtī hai

hamāre shīsha-e-dil par girā yuuñ dard kā patthar

zarā sī chuuk se khaa.ī meñ jaise car girtī hai

bahut hachkole kashtī khā rahī hai kyā karūñ 'ahsan'

idhar ḳhud ko bachātā huuñ udhar patvār girtī hai

bana lete hain mil-jul kar magar har bar girti hai

KHasara mulk ka hota hai jab sarkar girti hai

main jab bhi dushmanon se jang ka elan karta hun

mere sar par mere ahbab ki talwar girti hai

jo be-ghar hain unhen be-shak KHushi hoti to hai dil se

amir-e-shahr ke bangle ki jab diwar girti hai

wo baDh kar KHud hi hota hai muKHatib sinf-e-nazuk se

use gham bhi nahin hota hai jab dastar girti hai

gharibi tishnagi apni bujhane phir wahin pahunchi

phaTe pipe se pani ki jahan pe dhaar girti hai

hamare shisha-e-dil par gira yun dard ka patthar

zara si chuk se khai mein jaise car girti hai

bahut hachkole kashti kha rahi hai kya karun 'ahsan'

idhar KHud ko bachata hun udhar patwar girti hai