banaen ret pe ghar apna ye umang na ho
banā.eñ ret pe ghar apnā ye umang na ho
ki mauj-e-āb se hargiz hamārī jang na ho
sitamgarī yā tashaddud hamārā Dhang na ho
ye hañstī kheltī duniyā kaTī patang na ho
ḳhud apne ḳhuun se tehvār ham manāte haiñ
ḳhudā-rā aisī masarrat bharī tarang na ho
gireñgī uThtī raheñgī dīvāreñ āñgan kī
diloñ ke biich ḳhalish kī agar surang na ho
sad ehtirām ke qābil vo sañg-e-asvad hai
zamīñ pe us ke muqābil kā koī sang na ho
kushāda-zehn ho 'iqbāl' tum sabhoñ ke liye
kisī bashar ke liye bhī nigāh-tañg na ho
banaen ret pe ghar apna ye umang na ho
ki mauj-e-ab se hargiz hamari jang na ho
sitamgari ya tashaddud hamara Dhang na ho
ye hansti khelti duniya kaTi patang na ho
KHud apne KHun se tehwar hum manate hain
KHuda-ra aisi masarrat bhari tarang na ho
girengi uThti rahengi diwaren aangan ki
dilon ke bich KHalish ki agar surang na ho
sad ehtiram ke qabil wo sang-e-aswad hai
zamin pe us ke muqabil ka koi sang na ho
kushada-zehn ho 'iqbaal' tum sabhon ke liye
kisi bashar ke liye bhi nigah-tang na ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.