band kamre mein hun aur koi daricha bhi nahin
band kamre meñ huuñ aur koī darīchā bhī nahīñ
kisī dastak kā laraztā huā jhoñkā bhī nahīñ
tīrgī oḌh ke aa.ī hai ghaTā kī chādar
aur fānūs koī aah kā jaltā bhī nahīñ
kal mire saa.e meñ sustā.ī thī sadiyoñ kī thakan
aaj vo peḌ huuñ jis par koī pattā bhī nahīñ
dhuup ke dasht kā darpesh safar hai mujh ko
saath dene ko magar koī parinda bhī nahīñ
apnā ḳhuuñ raah meñ phailā.īñ lakīroñ kī tarah
aane vaale na kahīñ naqsh-e-kaf-e-pā bhī nahīñ
band kamre mein hun aur koi daricha bhi nahin
kisi dastak ka larazta hua jhonka bhi nahin
tirgi oDh ke aai hai ghaTa ki chadar
aur fanus koi aah ka jalta bhi nahin
kal mere sae mein sustai thi sadiyon ki thakan
aaj wo peD hun jis par koi patta bhi nahin
dhup ke dasht ka darpesh safar hai mujh ko
sath dene ko magar koi parinda bhi nahin
apna KHun rah mein phailain lakiron ki tarah
aane wale na kahin naqsh-e-kaf-e-pa bhi nahin
- Book : Auraaq (Pg. 47)
- Author : Vazeer Agha
- Publication : Office auraq. chouck Urdu Bazar, Lahore (Nov. Dec. 1974)
- Edition : Nov. Dec. 1974
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
