bandagi mein guzar nahin hoti

bandagī meñ guzar nahīñ hotī

zindagī yuuñ basar nahīñ hotī

soz-e-dil se agar nahīñ hotī

to duā kārgar nahīñ hotī

dekhne hī kī jaan hotī hai

dil pe apne nazar nahīñ hotī

hāl-e-bātin ko aap kyā jāneñ

chashm-e-zāhir jo tar nahīñ hotī

din meñ hāzir sukūñ nahīñ hotā

chain se shab basar nahīñ hotī

bāġh-e-ulfat meñ har hasīñ ḳhvāhish

bār-dār-e-samar nahīñ hotī

parda-dārī kā is liye hai gila

rehn aql-e-bashar nahīñ hotī

vo mohabbat jo ain fitrat hai

aql par munhasar nahīñ hotī

un se rahtī hai bā-ḳhabar duniyā

jin ko apnī ḳhabar nahīñ hotī

shauq-e-parvāz ain īmāñ hai

koī ummīd par nahīñ hotī

fikr-e-manzil hai raah meñ haa.il

be-ḳhudī ham-safar nahīñ hotī

jo tajallī nazar se maḳhfī ho

vo nasīb-e-bashar nahīñ hotī

sajde do-chār hī ġhanīmat haiñ

chākarī umr bhar nahīñ hotī

shān-e-rahmat se saaf sābit hai

sādgī muḳhtasar nahīñ hotī

'shād' rahtā huuñ bazm-e-rindāñ meñ

is meñ fikr-e-sahar nahīñ hotī

bandagi mein guzar nahin hoti

zindagi yun basar nahin hoti

soz-e-dil se agar nahin hoti

to dua kargar nahin hoti

dekhne hi ki jaan hoti hai

dil pe apne nazar nahin hoti

haal-e-baatin ko aap kya jaanen

chashm-e-zahir jo tar nahin hoti

din mein hazir sukun nahin hota

chain se shab basar nahin hoti

bagh-e-ulfat mein har hasin KHwahish

bar-dar-e-samar nahin hoti

parda-dari ka is liye hai gila

rehn aql-e-bashar nahin hoti

wo mohabbat jo ain fitrat hai

aql par munhasar nahin hoti

un se rahti hai ba-KHabar duniya

jin ko apni KHabar nahin hoti

shauq-e-parwaz ain iman hai

koi ummid par nahin hoti

fikr-e-manzil hai rah mein hail

be-KHudi ham-safar nahin hoti

jo tajalli nazar se maKHfi ho

wo nasib-e-bashar nahin hoti

sajde do-chaar hi ghanimat hain

chaakari umr bhar nahin hoti

shan-e-rahmat se saf sabit hai

sadgi muKHtasar nahin hoti

'shad' rahta hun bazm-e-rindan mein

is mein fikr-e-sahar nahin hoti