bane hue hain fasil-e-nazar dar-o-diwar

bane hue haiñ fasīl-e-nazar dar-o-dīvār

har ik taraf dar-o-dīvār par dar-o-dīvār

mujhe bhī dar-ba-darī meñ hī lutf aatā hai

mirī balā se farāham na kar dar-o-dīvār

hamāre ghar meñ to mīnār ban ga.ī har iiñT

chhatoñ kī had meñ uThāte haiñ sar dar-o-dīvār

ghaTā kā kyā hai baras kar nikal ga.ī aage

yahāñ sisakte rahe raat bhar dar-o-dīvār

hamāre raaz meñ shāmil rahe paḌosī bhī

isī liye to haiñ dīvār-o-dar dar-o-dīvār

ḳhabar na phailne paa.e ki jā rahā hai koī

nahīñ to sar pe uThā leñge ghar dar-o-dīvār

tirā badan to salāmat hai ai 'muzaffar' phir

ye kis ke ḳhuun se haiñ tar-ba-tar dar-o-dīvār

bane hue hain fasil-e-nazar dar-o-diwar

har ek taraf dar-o-diwar par dar-o-diwar

mujhe bhi dar-ba-dari mein hi lutf aata hai

meri bala se faraham na kar dar-o-diwar

hamare ghar mein to minar ban gai har inT

chhaton ki had mein uThate hain sar dar-o-diwar

ghaTa ka kya hai baras kar nikal gai aage

yahan sisakte rahe raat bhar dar-o-diwar

hamare raaz mein shamil rahe paDosi bhi

isi liye to hain diwar-o-dar dar-o-diwar

KHabar na phailne pae ki ja raha hai koi

nahin to sar pe uTha lenge ghar dar-o-diwar

tera badan to salamat hai ai 'muzaffar' phir

ye kis ke KHun se hain tar-ba-tar dar-o-diwar