banjara ban gaya koi dar DhunDhta raha

banjāra ban gayā koī dar DhūñDhtā rahā

maiñ terī kā.enāt meñ ghar DhūñDhtā rahā

ik roz ḳhauf dil se nikālā kuchh is tarah

sar ko paTaḳhtā rah gayā Dar DhūñDhtā rahā

jab bādshah kī jaan bhī ḳhatre meñ paḌ ga.ī

maqtal ke vāste koī sar DhūñDhtā rahā

aTkī huī falak pe thī merī bhī ik du'ā

rizq-e-harām khā ke asar DhūñDhtā rahā

the dā.ere ke gird ravāñ roz-o-shab mire

uljhī rahī lakīr safar DhūñDhtā rahā

maiñ zindagī se maut kī jānib thā gāmzan

kitnā maiñ be-ḳhabar thā ḳhabar DhūñDhtā rahā

chakma diyā thā maiñ ne hī dariyā ko jā-ba-jā

bach kar nikal gayā maiñ bhañvar DhūñDhtā rahā

'mājid' na ehtisāb kiyā apnī zaat kā

mahv-e-safar rahā maiñ bashar DhūñDhtā rahā

banjara ban gaya koi dar DhunDhta raha

main teri kaenat mein ghar DhunDhta raha

ek roz KHauf dil se nikala kuchh is tarah

sar ko paTaKHta rah gaya Dar DhunDhta raha

jab baadshah ki jaan bhi KHatre mein paD gai

maqtal ke waste koi sar DhunDhta raha

aTki hui falak pe thi meri bhi ek du'a

rizq-e-haram kha ke asar DhunDhta raha

the daere ke gird rawan roz-o-shab mere

uljhi rahi lakir safar DhunDhta raha

main zindagi se maut ki jaanib tha gamzan

kitna main be-KHabar tha KHabar DhunDhta raha

chakma diya tha main ne hi dariya ko ja-ba-ja

bach kar nikal gaya main bhanwar DhunDhta raha

'majid' na ehtisab kiya apni zat ka

mahw-e-safar raha main bashar DhunDhta raha