bante bante apne pech-o-KHam bane

bante bante apne pech-o-ḳham bane

tū banā phir maiñ banā phir ham bane

ek aañsū thā girā aur chal paḌā

ek aalam thā so do aalam bane

ik qadam uTThā kahīñ pahlā qadam

ḳhaak uḌī aur apne saare ġham bane

apnī āvāzoñ ko chup rah kar sunā

tab kahīñ jā kar ye zer-o-bam bane

aañkh banñe meñ bahut din lag ga.e

dekhiye kab aañkh andar nam bane

zaḳhm ko be-rah-ravī meñ rah milī

ḳhuun ke chhīñTe uḌe aalam bane

ham kahāñ the us samay us vaqt jab

tere andar ke ye sab mausam bane

bante bante apne pech-o-KHam bane

tu bana phir main bana phir hum bane

ek aansu tha gira aur chal paDa

ek aalam tha so do aalam bane

ek qadam uTTha kahin pahla qadam

KHak uDi aur apne sare gham bane

apni aawazon ko chup rah kar suna

tab kahin ja kar ye zer-o-bam bane

aankh banne mein bahut din lag gae

dekhiye kab aankh andar nam bane

zaKHm ko be-rah-rawi mein rah mili

KHun ke chhinTe uDe aalam bane

hum kahan the us samay us waqt jab

tere andar ke ye sab mausam bane