baqa sadaf ki guhar ke siwa kuchh aur nahin

baqā sadaf kī guhar ke sivā kuchh aur nahīñ

vafā shu.ūr-e-bashar ke sivā kuchh aur nahīñ

ġhalat ġhalat ki mohabbat fareb-e-hastī hai

ye rabt-e-ḳhās asar ke sivā kuchh aur nahīñ

shuā-e-mehr-e-munavvar maiñ māh-e-tābāñ maiñ

kisī kī pahlī nazar ke sivā kuchh aur nahīñ

abhī junūñ ko guzarnā hai shāh-rāhoñ se

junūñ kī had tire dar ke sivā kuchh aur nahīñ

vo shām-e-ġham jo tirī zindagī kā hāsil hai

vo shaam nūr-e-sahar ke sivā kuchh aur nahīñ

yahī nizām-e-jahāñ hai yahī hai rāz-e-baqā

samar hayāt-e-shajar ke sivā kuchh aur nahīñ

tujhe ḳhirad se hai nisbat hameñ 'azīz' junūñ

ba-qadr-e-zarf nazar ke sivā kuchh aur nahīñ

baqa sadaf ki guhar ke siwa kuchh aur nahin

wafa shuur-e-bashar ke siwa kuchh aur nahin

ghalat ghalat ki mohabbat fareb-e-hasti hai

ye rabt-e-KHas asar ke siwa kuchh aur nahin

shua-e-mehr-e-munawwar main mah-e-taban main

kisi ki pahli nazar ke siwa kuchh aur nahin

abhi junun ko guzarna hai shah-rahon se

junun ki had tere dar ke siwa kuchh aur nahin

wo sham-e-gham jo teri zindagi ka hasil hai

wo sham nur-e-sahar ke siwa kuchh aur nahin

yahi nizam-e-jahan hai yahi hai raaz-e-baqa

samar hayat-e-shajar ke siwa kuchh aur nahin

tujhe KHirad se hai nisbat hamein 'aziz' junun

ba-qadr-e-zarf nazar ke siwa kuchh aur nahin