barf-zar-e-jaan ki tah mein kholte pani ka hai
barf-zār-e-jāñ kī tah meñ kholte paanī kā hai
jo bhī qissa hai lahū kī sho.ala-sāmānī kā hai
āsmāñ se raushnī utrī bhī dhuñdlā bhī chukī
naam raushan hai to bas zulmat kī tābānī kā hai
regzār-e-lab ki har sū ug rahī hai tishnagī
aañkh meñ manzar uchhalte-kūdte paanī kā hai
be-sabab hargiz nahīñ dast-e-karam kam kam idhar
us ko andāza hamārī tañg-dāmānī kā hai
shahr ho yā ho bayābāñ ghar ho yā koī khañDar
silsila chāroñ taraf ġhūl-e-bayābānī kā hai
moḌ par pahuñche to dekhoge ki har manzil hai sahl
bas yahī ik rāsta hai jo pareshānī kā hai
barf-zar-e-jaan ki tah mein kholte pani ka hai
jo bhi qissa hai lahu ki shoala-samani ka hai
aasman se raushni utri bhi dhundla bhi chuki
nam raushan hai to bas zulmat ki tabani ka hai
regzar-e-lab ki har su ug rahi hai tishnagi
aankh mein manzar uchhalte-kudte pani ka hai
be-sabab hargiz nahin dast-e-karam kam kam idhar
us ko andaza hamari tang-damani ka hai
shahr ho ya ho bayaban ghar ho ya koi khanDar
silsila chaaron taraf ghul-e-bayabani ka hai
moD par pahunche to dekhoge ki har manzil hai sahl
bas yahi ek rasta hai jo pareshani ka hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
