barpa hain ajab shorishen jazbaat ke pichhe

barpā haiñ ajab shorisheñ jazbāt ke pīchhe

be-tāb hai dil shauq-e-mulāqāt ke pīchhe

jin ko na samajh paa.e ham arbāb-e-nazar bhī

sau raaz haiñ us shoḳh kī har baat ke pīchhe

is Thos haqīqat se ta.arruz nahīñ mumkin

ik sub.h-e-tajallī hai har ik raat ke pīchhe

arbāb-e-vatan ham ko zarā ye to batā.eñ

kin zehnoñ kī sāzish hai fasādāt ke pīchhe

manzar hai lahū-rañg sulagtī haiñ fazā.eñ

sho.aloñ kā vo sailāb hai barsāt ke pīchhe

ham un ko samajhte haiñ 'hazīñ' kah nahīñ sakte

asbāb jo haiñ talḳhī-e-hālāt ke pīchhe

barpa hain ajab shorishen jazbaat ke pichhe

be-tab hai dil shauq-e-mulaqat ke pichhe

jin ko na samajh pae hum arbab-e-nazar bhi

sau raaz hain us shoKH ki har baat ke pichhe

is Thos haqiqat se tarruz nahin mumkin

ek subh-e-tajalli hai har ek raat ke pichhe

arbab-e-watan hum ko zara ye to bataen

kin zehnon ki sazish hai fasadat ke pichhe

manzar hai lahu-rang sulagti hain fazaen

shoalon ka wo sailab hai barsat ke pichhe

hum un ko samajhte hain 'hazin' kah nahin sakte

asbab jo hain talKHi-e-haalat ke pichhe