barsat ho ghaTaen ho aur mai-kashi na ho

barsāt ho ghaTā.eñ ho aur mai-kashī na ho

armāñ na hoñ shabāb na ho zindagī na ho

paimāna ghūmtā hai jo āñkhoñ ke saath saath

zulfoñ ke saath saath ghaTā jhūmtī na ho

shām-e-firāq aañkh se aañsū ravāñ raheñ

ai yād-e-yār dard-e-jigar meñ kamī na ho

marne pe iḳhtiyār na jiine pe iḳhtiyār

jabr-e-hayāt uThā.eñ magar aah bhī na ho

har dam lahū se sīñchiye gulshan ko ai 'kamāl'

rangīnī-e-bahār meñ koī kamī na ho

barsat ho ghaTaen ho aur mai-kashi na ho

arman na hon shabab na ho zindagi na ho

paimana ghumta hai jo aankhon ke sath sath

zulfon ke sath sath ghaTa jhumti na ho

sham-e-firaq aankh se aansu rawan rahen

ai yaad-e-yar dard-e-jigar mein kami na ho

marne pe iKHtiyar na jine pe iKHtiyar

jabr-e-hayat uThaen magar aah bhi na ho

har dam lahu se sinchiye gulshan ko ai 'kamal'

rangini-e-bahaar mein koi kami na ho