barsat ka udhar hai dimagh aasman par

barsāt kā udhar hai dimāġh āsmān par

chhappar idhar nahīñ hai hamāre makān par

masjid meñ us ko dekh ke hairān rah gayā

tanqīd kar rahā thā jo kal tak azaan par

kāġhaz ke bāl-o-par pe bharosa na kījiye

jaanā agar hai aap ko ūñchī uḌaan par

ab tak ramaq hayāt kī paidā na ho sakī

kyā maiñ lahū chhiḌaktā rahā huuñ chaTān par

do chaar haath uḌ ke zamīñ par jo aa ga.e

tanqīd kar rahe haiñ hamārī uḌaan par

jehl-e-ḳhirad ne toḌ diiñ sab bandisheñ 'shahūd'

'nāsiḳh' kā ab ijāra nahīñ hai zabān par

barsat ka udhar hai dimagh aasman par

chhappar idhar nahin hai hamare makan par

masjid mein us ko dekh ke hairan rah gaya

tanqid kar raha tha jo kal tak azan par

kaghaz ke baal-o-par pe bharosa na kijiye

jaana agar hai aap ko unchi uDan par

ab tak ramaq hayat ki paida na ho saki

kya main lahu chhiDakta raha hun chaTan par

do chaar hath uD ke zamin par jo aa gae

tanqid kar rahe hain hamari uDan par

jehl-e-KHirad ne toD din sab bandishen 'shahud'

'nasiKH' ka ab ijara nahin hai zaban par