barsat pyar ki wo dhuan-dhaar kar gae

barsāt pyaar kī vo dhuāñ-dhār kar ga.e

yādoñ meñ apnī ham ko giraftār kar ga.e

phir dostī ke naam pe vo vaar kar ga.e

mansūboñ kā vo apne yuuñ iz.hār kar ga.e

dil kī zamīñ ko rauñd ke bekār kar ga.e

daulat ġhamoñ kī de ke zamīñ-dār kar ga.e

de kar fareb ham ko samajh-dār kar ga.e

aur e'tibār se yuuñ ḳhabar-dār kar ga.e

yuuñ mahfiloñ meñ jaanā tabī'at nahīñ mirī

jaanā paḌā kuchh aise vo isrār kar ga.e

do-chār pal hī aa.e ḳhushī ke the us ke baa'd

har lamha merī ziist kā dushvār kar ga.e

barsat pyar ki wo dhuan-dhaar kar gae

yaadon mein apni hum ko giraftar kar gae

phir dosti ke nam pe wo war kar gae

mansubon ka wo apne yun izhaar kar gae

dil ki zamin ko raund ke bekar kar gae

daulat ghamon ki de ke zamin-dar kar gae

de kar fareb hum ko samajh-dar kar gae

aur e'tibar se yun KHabar-dar kar gae

yun mahfilon mein jaana tabi'at nahin meri

jaana paDa kuchh aise wo israr kar gae

do-chaar pal hi aae KHushi ke the us ke ba'd

har lamha meri zist ka dushwar kar gae