barson mein tujhe dekha to ehsas hua hai
barsoñ meñ tujhe dekhā to ehsās huā hai
har zaḳhm tirī yaad kā andar se harā hai
vo kaun thā kis samt gayā DhūñDh rahā huuñ
zanjīr dar-e-dil koī khaTkā ke gayā hai
jī chāhe use vaqt ke hāthoñ se uḌā le
jo ruuh kī ḳhāmosh guphāoñ meñ milā hai
patthar ke sanam puujo ki miTTī ke ḳhudāvand
har bāb-e-karam der huī band paḌā hai
pūchho na mire ahd ke insāñ kī hikāyat
tanhā.ī ke sahrāoñ meñ hairān khaḌā hai
barson mein tujhe dekha to ehsas hua hai
har zaKHm teri yaad ka andar se hara hai
wo kaun tha kis samt gaya DhunDh raha hun
zanjir dar-e-dil koi khaTka ke gaya hai
ji chahe use waqt ke hathon se uDa le
jo ruh ki KHamosh guphaon mein mila hai
patthar ke sanam pujo ki miTTi ke KHudawand
har bab-e-karam der hui band paDa hai
puchho na mere ahd ke insan ki hikayat
tanhai ke sahraon mein hairan khaDa hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
